Maguindanaon nga nag amba sang pambansang awit sa SONA sang Presidente indi sa gihapon makapati

KORONADAL CITY-Tubtub subong indi sa gihapon makapati nga siya ang mapilian nga maga amba sang Lupang Hinirang sa State of the Nation Address o SONA ni Pres. Rodrigo Duterte ang isa ka Maguindanaon nga si Mona Liza Adam Mangelen nga residente sang Isulan, Sultan Kudarat.

Si Mangelen ang nakilala bangud sa iya pagka vocal sa iya mga ginapost sa iya nga Facebook angot sa iya sentimento sa kinagamo sa Marawi City kun sa diin ulihi nga post sini sang Hunyo 9,2017 nga may tigulo nga
“Muslims should fight terrorism,” nga nagasiling nga indi magpasugot ang mga kalalakihan nga muslim nga mangin terorista.

Matapos ang pag-amba sini sa SONA, handa na suno pa ini sa publiko agud nga ipakita ang iya nga adbokasiya batuk sa terorismo.