KORONADAL CITY– Nagapabilin ang monitoring sang 27IB sa ila nga area of responsibility kasunod sang pangpang atake sang New Peoples Army sa Presidential Security Group kahapon sa Arakan, North Cotabato.
Sa interbyu sang Bombo Radyo kay Lt. Col. Benjamin Leander ang Commanding Officer sang 27th Infantry Batallion, Philippine Army, ginpahayag sini nga nagapabilin nga nakapasaka ang ila alert level matapos makabaton sang impormasyon nga may yara sang deriktiba sa New Peoples Army nga magapatigayon ang mga ini sang opensiba.
Sa subong mas labi pa nga ginpahugtan sang militar ang seguridad sa South Cotabato ilabi na bangud asud-asud ang aktibidad nga ginpatigayon sa probinsya.
Kaangot sini ginkabalaka sang opisyal ang ginahimo nga pagpakuno kuno sang NPA nga sila ang suldado matapos nga nagpakuno kuno ang mga ini nga suldado nga nagacheckpoint sa dalan sang ginpatigayon ang ambush sa PSG sa North Cotabato.
Samtang naghatag sang tips si Leander kun paano mabal an nga suldado ang nagapatigayon sang checkpoint.
Una tan awon kun may yara sang military track nga tupad kun sila ang naga mobile checkpoint kag ikaduha sa atubangan lamang suno pa sang kampo sila nagapatigayon sang checkpoint.
