-- ADVERTISEMENT --

KORONADAL CITY– Luyag nga ipatawag ni Bayan Muna Representative Carlos Zarate ang representate sang militar mangin ang mga naipit sa kinagamo sa Marawi sa nagapadayon nga Marawi Seige sa natalana nga special joint session sang senado kag kongreso.
Sa eksklusibo nga interbyu sang Bombo Radyo kay Zarate, ginpahayag sini nga lauman na ang maduguon nga debate bangud indi klaro para sa ila kun ngaa kinahanglan pa ang Martial Law extension.
Una sini, nagpahayag suno pa ang Defense Department nga kontrolado na ang Marawi kag isa ka Barangay na lamang ang kinahanglan nga sudlon sang militar.
Bilang pamatuod, ginpahayag man suno pa sang mga ini nga yara na sa clearing operation rason nga indimahangpan kun ngaa kinahanglan pa nga paliwigon ang martial law.
Kaangot sini,ginpahayag ni Zarate nga indi boot silingon ginhingyo sang pangulo ang martial law extension tubtub Disyembre 31 awtomatiko na ini nga ihatag.
Klaro suno pa sa layi nga yara sa kongreso ang desisyon kun dapat pa paliwigon ang martial law.