KORONADAL CITY-Gindeklarar nga Persona Non Grata ang Land Transportation Office (LTO-XII) sa syudad sang Kidapawan.
Sa interbyu sang Bombo Radyo kay LTO XII Director Macario Gonzaga, ginkumpirmar sini nga ila na nga nahibaluan ang impormasyon nga nagpasar ang Sangguniang Panlungsod nga ideklarar nga Persona Non Grata ang LTO XII apang wala suno pa sang nabaton nga formal information.
Samtang sa impormasyon nga ginpalab-ot san Direktor, nagpatigayon suno pa sang legitimate operation ang mga katapo sang ila ahensya kun sa diin isa sa natikma amuh ang tinawo sang bise alkalde sang lugar nga wala sang lisensya apang iya pa ginapa imbestigaran.
Kaangot sini, ginpaklaro ni Gonzaga nga kinamatarong nila nga magpatigayon sang operasyon bangud ini ang ila nga responsibilidad.
Sa pihak nga bahin, ginpahayag sini nga iya pagapakig-angutan ang mga opisyal sang kidapawan kag agud mahisgutan kun ano ang problema.
