KORONADAL CITY- Gindalasa sang Flash flood ang banwa sang Upi, Maguindanao kaangot sa gihapon sang napagkit nga mabaskog nga pagbubo sang ulan sa rehiyon.
Nahibaluan nga apektado ang 4 ka mga barangay sa nasambit nga banwa nga ginakabug-usan sang Brgy. Garanasi, Borongotan, Blensong kag Nuro kun sa diin 3 ka mga kabalayan ang gin anod sang tubig.
Dugang pa sini nga wala man nakaluwas ang isa ka mangunguma nga ginkilala kay Jerry Kindan 38 anyos may asawa kag residente sang Sitio Tubak, Brgy. Ganasi Upi Maguindao makaligad gindala sang baha samtang nagapanglakaton malapit sa Matuber River.
Masweter naman nga nakaluwas ang 3 pa ka mga kaupdanan sini nga nakaangkon lang sang mga pilas.
Sa subong wala pa nakit-an ang bangkay sang mangunguma samtang nagapadayon ang rescue operation sang pila ka mga na trap nga residente sa Brgy. Ganasi Upi Maguindanao.
.
