KORONADAL CITY- Nagpatigayon na sang pagsinapol ang 33rd Infantry Makabayan Battalion kag mga katapo sang MILF 109th base command sa kampo sang 33rd IB agud hisgutan ang problema nga panseguridad nga tuga sang presensya sang Bangsamoro Islamic Freedom Fighters ilabi na sa banwa sang Datu Paglas, Maguindanao kun sa diin sang damlag lang nakaangkon sang engwentro sa tunga sang tropa sang gobyerno kag mga rebelde nga grupo nga nagresulta sa pagkdakop sang 6 nila ka mga myembro kag pagkapatay sang 2 ka iban pa nga bandido.
Sa nasambit nga pagsinapol, ginprisenta ni 33rd IB commadning officer Lt. Col. Harold Cabunoc ang pila sa mga solusyon pinaagi sa ila kooperasyon kag pakigbuligay sang nagkalain lain nga stakeholders sa ground.
Suno kay Col. Cabunoc, kinahanglan nila nga maghugpong bangud madamo sang mga sibilyan ang nagakabalaka kag nahadlok na sa pagpanalakay sang BIFF sa Datu Paglas kun sa diin pila sa mga negosyante ang posible mangin apektado ilabi na sa patag sang ekonomiya bangud bangud sa kinagamo.
Dugang pa nga ginakabalak-an man ang isa sa mga pinakadako nga banana plantation nga posible madula sa tion nga magpanggamo pa ang mg ini sa lugar.
Bangud sini madamo sang nahilisugtan ang 2 ka bahin kag ginlauman nga mapatuman sa ilabi kag madali nga tion agud mapunggan ang kinagamo sa lugar.
