KORONADAL CITY – Nababahala ngayon ang mga residente sang Brgy. Katalupak, Upi, Maguindanao matapos ang pag-awas sang tubig sa suba nga nagresulta sa malapnagon nga pagbaha.
Suno sa Provincial Disaster and Risk Reduction sang Maguindanao, yara sa masobra 65 ka mga indibidwal na ang nagbakwit nga nagapuyo sa malapit sa mga suba sa nasambit nga lugar kag pila pa ka mga landslide prone areas.
Samtang sa pihak nga bahin, 2 ka mag-utod ang napagkit nga patay makaligad nga gin-anod sang tubig samtang ginhana nga magtabok sa suba agud nga magbakwit nga ginkilala kanday Hussein Ramuda, 27 anyos kag Sitti Hannah Ramuda,15 anyos nga residente sang nasambi nga lugar.
Wala man nakaluwas ang banwa sang Kabuntalan, Maguindanao kun diin apektado ang mga hinuptan nga sapat nga gin-anod sang tubig baha.
Nahibaluan nga tatlo ka bulan man nga lubog sa baha ang nasambit nga lugar kag ginpaidalom na sa state of calamity.
Padayon man ang ginahimo nga rescue operation sang Disaster response team agud nga mabakwit ang pila pa ka mga residente nga nagapakatig-a nga magbiya sa danger zone.
