Tuman nga baha napagkit sa Sultan Kudarat, masobra 200 residente apektado, mga estudyante nagbakwit

KORONADALCITY- Nagapadayon sa subong ang pagresponder sang Sen Ninoy Aquino Sultan Kudarat Quick Response team sa mga biktima sang malapnagon nga pagbaha sa pila ka lugar.

Nahibaluan nga tubtob magkaagahon ang pagbubo sang ulan kun diin lakip sa mga apektado nga lugar ang mga barangay Malegdeg, Tinalon, Buenaflores kag Kulaman subong man ang iban pa nga nakaeksperiensiya sang pagbaha.

Bangud diri pila sa mga estudyante ang ginbakwit bangud sa hinali nga pagbubo sang ulan kag pag-aas sang mga suba.

Samtang, naglab-ot naman sa masobra 200 ka mga residente nga apektado kun diin pila sa mga hinuptan nga sapat sang mga ini ang wala na naluwas pa.

Sa subong, nagapdayon ang assessment sa kadakuon sang damyos nga natuga sang nasambit nga pagbaha.