KORONADAL CITY- Napuno sang emosyon si TESDA South Cotabato Director Engr. Talib Bayabao matapos tigayon nga ginbasura ang kaso nga rebelyon batuk sa iya.
Dugang pa sini, indi lahog ang kahadlok nga iya nabaton bangud sa pagpamahog sa iya kabuhi matapos malakip ang pangalan sini sa nagapadayon nga krisis sa ila nga lugar kun diin isa ini sa mga ginaakusaran nga supporter sang terorista nga ISIS-MAUTE.
Dako naman ang pagpasalamat sini nga boluntaryo siya nga nagsungka sa South Cotabato PNP agud malimpyuhan ang iya pangalan bangud una pa lang kumpiyansa na siya nga maguwa ang kamatuoran kag mahilway siya sa ulihi.
Kun madumduman ang opisyal ang isa sa mga yara sa listahan sang ginapaarestar sang Department of National Defense sa pagpamuno ni DND sec. Delfin Lorenzana.
Samtang, nakahanda na ang nasambit nga opisyal agud magbalik sa serbisyo kag sirbehan ang mga pumuluyo sang South Cotabato.
Madumduman nga si Engr. Bayabao ang nagikan sa Marawi City kag nangin tinawo man sang mga kontrobersyal nga alkalde nga ginaangot sa nagapadayon nga gyera.
