KORONADAL CITY- Ginpasiguro sang pamunuan sang South Cotabato Provinvial Jail ang hugot nga monitoring sa mga inmates makaligad may pito ka nagpositibo sa HIV ukon Human Immuno Dificiency Virus kag STD ukon Sexually transmitted Disease.
Sa interbyu sang Bombo Radyo Koronadal kay Provincial Jail Warden Juan Lanzaders nga duha diri ang positibo sa HIV kag lima naman ang nagpositibo sa STD.
Suno kay Lansaderas, natukiban nga may makalalaton nga sakit ang ang nasambit nga mga preso matapos magpacheck-up ang mga ini.
Paathag ni Lanzaderas, mahimo nga may inmates nga may HIV ukon STD na nga daan antes pa man ang mga ini napreso kag dako ang posibilidad nga nalatnan lamang ang iban bangud sa pagpakighilawas.
Ginaistudyuhan man sang opisyal kun maghatag sang libre nga condom sa mga inmate apang kinahanglan sang mga ini nga mag agi sa orientation agud nga ma-regulate ang paggamit sini.
Madumduman nga may napagkit na nga napatay sa probinsiya bangud sa nasambit nga sakit.
