KORONADAL CITY- Nagpaandam si South Cotabato Police Provincial Director Senior Superintendent Franklin Alvero sa mga pumuluyo sang South Cotabato angot sa armado nga grupo nga Datu Malibatu Tribal King of the Royal highness Royal Guard nga nagapatigayon sang recruitment sa pila ka banwa sa probinsya.
Nahibaluan nga ang nasambit nga armado ang nagapanunto sang ila mga ginarecruit kun diin target suno pa sang mga ini ang mga Lumad nga nagapuyo sa nabukid nga bahin sang T’boli, Lake Sebu kag iban pa nga nagtipyok sa ila nga pwersa.
Dugang pa nga ginpromisahan man sang nasambit nga grupo ang ila nga ginarecruit sang pila ka sako sang bugas kag sweldo nga indi magnubo sa P30,000 lakip na ang pag-angkon sang gahum sa nasambit nga grupo.
Sa subong nagapadayon ang monitoring sang kapulisan sa hulag sang nasambit nga grupo kun diin nagpanawagan si Col. Alvero nga gilayon ireport sa ila ang anuman nga impormasyon angot sa aktibidad sang mga ini.
