KORONADAL CITY – Dako ang posibilidad nga target sang mga rebelde nga New People’s Army (NPA) ang narekober nga improvised explosive device (IED) sa banwa sang Senator Ninoy Aquino, Sultan Kudarat.
Ini ang ginpahayag ni 1Lt Austin John Jamora ng 33rd Infantry Batallion Philippine Army.
Suno kay Jamora, kasubong sang Maute, ginasunod sang mga rebelde ang hilimuon sang mga terorista batuk sa hubon sang militar rason nga pursigido sila nga mapunggan ang mga in.
Ang nasambit nga eksplosibo ang narekober malapit sa Cafgu detachment sa Barangay Kuden sa nasambit nga banwa.
Bangud sa natabo, hugot nga ginakundenar kag ginapakamalaot sang militar ang pamunuan sang CPP-NPA-NDF bangud sa mga ginahimo sang mga tinawo sini batuk sa mga suldado apisar may panawagan na ang gobyerno nga untatan na nila ang paghimo sang kalakasan.
Madumdumana nga sang nagbisita si Pangulong Rodrigo Duterte sa Sultan Kudarat gin-awhag sini ang mga rebelde nga magbalik sa sabak sang gobyerno bangud nakahanda siya nga magbulig sa administrasyon.
