KORONADAL CITY – Magapangatubang sa kaso nga illegal possession of firearms and ammunition ang 3 ka guwardiya sang Priority Security Agency nga naarestar sa pagbitbit sang mga high powered firearms.
Ini makaligad nga makumpiskar sang mga operatiba gikan sa Sultan Kudarat PNP ang 3 cal. 30 carbine rifle nga may 129 nga live ammunitions sa Barangay Kenram, Isulan, Sultan Kudarat.
Nahibaluan nga nagpatigayon sang operasyon ang mga pulis makaligad nga ginreport sang mga residente sa nasambit nga barangay nga ginahimo nga panghadlok sang mga security guard ang ila nga bitbit nga armas luthang sa nagakatabo nga kiangamo nga tuga sang land conflict ukon inagaway sang duta sa lugar.
Sa pag-imbestigar sang Isulan PNP, nahibaluan nga illegal ang nasambit nga mga armas bangud wala sang mga dokumento nga napakita ang nasambit nga agency.
Nagpamalibad na anay nga hinagdlan sang kapulisan ang mga nadakpan nga guwardiya.
Ginbase man ang pagkumpiskar sang mga armas luthang sa ginapatuman nga Martial Law sa Mindanao kun diin ginadilian ang mga guwarido o sibilyan nga magdala sang mga matag-as nga sahi sang armas luthang.
Sa subong nakakustodiya na ang mga ini sa lock up cell sang Isulan PNP.
