KORONADAL CITY- Nagapabilin gihapon sa probinsiya sang South Cotabato ang bangkay sang Romanian national nga naghikog sang nagligad nga bulan sa falls. No. 2 sa banwa sang Lake Sebu, South Cotabato.
Ini ang ginkumpirmar ni Lake Sebu Mayor Antonio Fungan sa ekslusibo nga interbyu sang Bombo Radyo Koronadal ku diin matapos ma-retrieve ang bangkay ni Itrika Paul Brato wala na ini nakabalik pa sa ila nga pungsod.
Suno kay Mayor Fungan nga masobra P500,000 ang ila nga nabayaran kag sang pamilya sang Romanian national antes ini nga mabalik sa ila nga pungsod rason nga nadesisyunan na lamang sang pamilya sini nga sa Pilipinas na laamang ini ilubong kag wala na sang plano pa nga i-claim ang bangkay sang turista.
Samtang, nakig-angot na ang lokal nga gobyerno sang Lake Sebu sa embahada sang Pilipinas sa nasambit nga pungsod agud nga maistoryahan ang mahimo nga mabulig sa pagpalubong diri.
