KORONADAL CITY- Panibag-o nga bangkay naman ang nasapwan sa 2nd falls sa banwa sang Lake Sebu, South Cotabato nga ginaaligar naghikog.
Ginkilala ang biktima nga si Leila Sumangkay, 48 anyos, bulag sa bana kag residente sang Sitio Lam-alo, Barangay Seloton sa nasambit nga banwa.
Suno kay Lake Sebu Mayor Antonio Fungan, narekober sang mga rescuer ang bangkay ni Leila sa 2nd falls matapos ang ginhimo nga pagpangita sang may magreport nga residente nga nakakita sang bangkay sini nga nakasampay sa isa ka dako nga bato.
Sa subong, nagapadayon pa ang imbestigasyon sang mga otoridad sa nasapwan nga bangkay kag ginahibalo kun sa ano nakalab-ot didto ang biktima kag ginbawian sang kabuhi.
Madumduman nga sang nagligad nga bulan isa ka Romanian national man ang napatay makaligad nga naglumpat sa nasambit nga falls.
Kun madumduman, ginpatuman ang temporary closure sa nasambit nga falls matapos nga pila ka adlaw man ini antes nga narekober.
Sa subong, nagapdayon ang hugot nga pagbantay sang mga otoridad kag ginadilian sa gihapon ang pagpadulong didto sang mga turista bangud sa asod-asod nga insidente.
