KORONADAL CITY- Nagapadayon ang assessment sang Provincial Disaster Risk Reduction and Management Office sang South Cotabato sa pagpanguna ni PDRRM officer Mila Lorca sa ginbilin nga damyos sa pagpanalasa sang buhawi kag napagkit nga pag-ulan sang ice sa banwa sang Tupi South Cotabato.
Nahibaluan nga gin-updan sang mabaskog nga pagbubo sang ulan ang nasambit nga insidente kun diin bangud man sa mabaskog nga hangin natumba ang mga puno, nabali ang poste sang suga sa dalan kag nakakas ang mga atup sang ila nga establisemento.
Dugang pa ang napagkit nga pagbaha sa Brgy. Poblacion sang nasambit nga banwa kun diin pinakaapektado ang Purok 9-A kag Purok 10 sang Tupi South Cotabato.
Sa subong natalana nga magsinapol ang lokal nga mga opisyal sang Tupi sa pagpanguna ni Mayor Reynaldo Tamayo matapos ang nasambit nga insidente.
