KORONADAL CITY- Ginlaygayan na lamang sang pamunuan sang Muslim Affairs sang South Cotabato ang tanan nga mga Muslim sa probinsya nga magpatigayon sang pangamuyo sa tagsa nila ka puluy-an.
INi makaligad nga wala matigayon ang Congregational Prayer sang Muslim community sa probinsya kasunod sang pagtakop sang Holy Month of Ramadhan kag selebrasyon sang Eidl Fitr subong nga adlaw.
Sa interbyu sang Bombo Radyo Koronadal kay Sultan Mutalib Sambuto Muslim Affairs Chief sang South Cotabato, apisar nga lubos nga apektado ang ila nga pagtililipon para sa sagrado nga aktibidad sang mga Muslim wala sila sang may mahimo kundi sundon ang mga otoridad agud nga masiguro ang seguridad sang mga Muslim sa probinsya.
Nahibaluan nga wala madayon ang tuigan nga pagtililipon sang mga Muslim agud nga magpangamuyo matapos ang isa ka bulan nga pagpuasan bangud sa padayon nga pamahog sang terorismo.
