KORONADAL CITY- Amat-amat na nga nagabaloik sa ila tagsa ka mga puluy-an ang masobra 1,500 ka mga pamilya nga nagbakwit tuga sang pag-atake sang Bangsamoro Islamic Freedom Fighters ukon BIFF sa Brgy. Malagakit Pigcawayan, North Cotabato sang nagligad nga adlaw.
Suno sa MDRRMO-Pigcawayan, nagbalik na ang mga bakwit matapos nga gindeklarar sang militar nga cleared na ang lugar kag luwas na gikan sa mga armado nga BIFF.
Apang, may iban pa nga mga evacuees nga nagapabilin subong sa nagkalain-lain nga evacuation centers labi na ang mga pamilya nga nagapuyo sa hilit kag malayo nga parte sang mga apektado nga baranggay.
Antes pa man nagbalik sa tagsa nila ka puluy-an ang iban nga mga evacuees, nagbaton na sila sang cash assistance gikan sa LGU.
Madumduman nga 4 ka barangay ang nangin apektado sa Pigcawayan sa pag-atake sang BIFF apang nagtuga man ini sang alarma sa mga kaiping nga lugar sa probinsiya sang North Cotabato
