KORONADAL CITY- Ginpahayag ni DepED 12 Information Officer Antonio Maganto nga apektado sa gihapon ang mga estudyante sang Pigcawayan North Cotabato partikular na sa Malagakit Elementary School kag Simsiman Elementary School matapos nga wala pa makabalik ang mga ini sa tagsa nila ka mga buluthuan.
Dugang pa diri ang nilibo ka mga estudyante sa Aleosan North Cotabato ang wala pa makabalik sa ila nga mga klase.
Ini ang may kaangtangan sa nagapadayon nga hot pursuit kag clearing operation sang AFP matapos ang pagsalakay sang indi magnubo sa 200 ka mga Bangsamoro Islamic Freedom Fighters sang nagligad nga adlaw.
Sa subong ginahulat pa ang go signal sang AFP kun luwas nga magbalik ang mga estudyante sa ila nga mga buluthuan.
Samtang, sa pihak nga bahin padayon sa gihapon nga nagabaton ang DepED-12 sang mga estudyante gikan sa Marawi City apisar yara na sa tunga-tunga sang klase.
