KORONADAL CITY- Una nga adlaw pa lamang sang pagpatuman sang Curfew hour sa siyudad sang Koronadal kaangot sa ginapatuman nga Martial Law sa Mindanao, nabatyagan na suno pa sang mga negosyante ang paghuyang sang ila negosyo labi na sa mga nagabaligya kun gab-i.
Kaangot sini ginpahayag ni South Cotabato Governor Daisy Avance Fuentes nga dako ang mangin epekto sang ginapatuman nga curfew labi na sa siyudad sang Koronadal nga sentro sang komersyo sang probinsya.
Magluwas sa mga negosyante nga nakabaytag sang pagkalugi, kadam-an sa mga empleyadong nagikan sa mga kaiping nga banwa ang nadelatar man bangud sa mga checkpoint.
Samtang, indi naman mabasol sang City Government sa pagpatuman sang curfew bangud ginalantaw man sini ang kaluwasan sang mga pumuluyo.
Nahibaluan nga sa una nga gab-i sang pagpatuman sang curfew, 12 ang nasampolan nga kadam-an mga menor de edad.
