Napatay nga suldado sa Marawi, ginpasidunggan sang LGU-Koronadal, 7 bulan nga bata nakabaton sang scholarship

KORONADAL CITY- Nangin emosyonal ang paghatag sang pagkilala kay PFC Mark Darell Parba sa siyudad sang Koronadal subong nga adlaw.

Kadungan sini personal nga ginhatag ni Koronadal City Mayor Peter Miguel sa mga ginikanan ni PFC Parba ang bulig pinansyal para sa pagpalubong sa 22 anyos nga baganihan nga suldado.

Dugang pa sini, nakabaton man sang scholarship program ang nabilin nga 7 bulan nga lapsag nga bata sini sang iya nobya kun diin may plano na kuntani ang mga ini nga magpakasal matapos ang 3 ka tuig nga apang indi na matigayon.

Kaangot sini nangin emosyonal man si Mayor Miguel labi na kag ginbuwis ni PFC Parba ang kabuhi para sa pungsod batuk sa terorista nga Maute sa Marawi City

Natalana naman nga ilubong si PFC Parba sa Hulyo 2, 2017