KORONADAL CITY – Luyag suno pa nga sundon sang Bangsamoro Islamic Freedom Fighters (BIFF) ang ginhimo sang Maute terror group sa siyudad sang Marawi agud nga kilalahon man sila sang terorista nga ISIS.
Ini ang pagpati sang militar matapos ang narekober nga black flag sang ISIS kaupod ang napatay nga 4 ka myembro sang BIFF sa probinsiya sang Maguindanao.
Suno kay Captain Arvin Encinas ng 6ID Philippine Army, nakilala na ang 4 ka mga katapu sang BIFF nga napatay sa engkwentro sa Brgy Pusao, Shariff Saydona Mustapha, Maguindanao
Ang mga napatay nga BIFF ang ginalakipan nanday Badrodin Haron alias Tro nga may nakakabit pa sa likod sini nga ISIS flag, Ali Abdul Malik, Badrudin Kalun Mabang, kag Mohaiden Mando.
Madumduman nga nagka-engkwentro ang grupo sang BIFF kag mga suldado makaligad nga ginharass sang mga armado ang detachment sang mga suldado sa Brgy. Tukanalipao.
Sa ginpatigayon nga clearing operation narekober ang mga flag sang ISIS, mga high powered firearms kag droga.
Nagapati naman ang militar nga yara sa mga banwa sang Salvo, Pagatin, Mamasapano kag Shariff Aguak sa nasambit nga probinsiya ang presensiya sang mga armado.
