KORONADAL CITY – Ginpaidalom na sa assesstment ang mga nadalasa sang buhawi sa Barangay Namnama, siyudad sang Koronadal agud nga mahatagan sang nagakaigo nga bulig.
Ini ang ginpahayag ni Koronadal City Administrator kag head sang City Disaster Risk Reduction Management ukon CDRRMO Jose Cyrus Urbano sa interbyu sang Bombo Radyo Koronadal.
Suno kay Urbano, naglab-ot sa 14 ka mga puluy-an ang naguba bangud sang pagpanalasa sang buhawi kun diin kalakip pa diri ang piggery nga ginamentinar sang city government sa nasambit nga lugar.
Apektado man ang 8 ka ektarya nga mga pananum bangud sa mabaskog nga ulan kag hangin kaupod na ang tanum nga saging, kapayas, sweet corn kag iban pa.
Sa subong ginatun-an na kun igapaidalum sa state of calamity ang Barangay Namnama makaligad nga dalasaon sang buhawi.
