KORONADAL CITY- Nakapauli na sang luwas ang 15 ka myembro sang isa ka pamilya halin sa Isulan, Sultan Kudarar nga naipit sa kinagamo sa Marawi City.
Nahibaluan nga ang 15 ka myembro sang pamilya ang nagpadulong sa Marawi para kun tani magtambong sa ila kun tani nga family reunion apang naipit sa gyera sa tunga sang militar kag ISIS linked terror group na Maute.
Ginakabug-usan ang mga na rescue sang 4 ka persona nga yara sa legal nga edad kag 11 ka mga kabataan.
Nahibaluan nga nagpabilin ang mga ini sang 11 ka adlaw sa isa ka puluy-an agud magtago sa mga terorista nga grupo kag maswerte nga naluwas sang mga militar.
Sa subong yara na sa kustodiya ang mga ini sang Sultan Kudarat Provincial Social Welfare and Development Office kag igapaidalom sa medical check-up, counselling kag profiling bag-o makabalik sa ila mga puluy-an.
Samtang yari naman ang mga pangalan sang mga narescue: Leny Parcon- 47 anyos, Julieta Parcon- 41 anyos Christian Jay Parcon- 21 anyos, Denver Jay Parcon- 20 anyos, Musrifah Pangarungan – 17 anyos, Xian Joy Parcon- 16 anyos, Cammile Grace Babaylo- 16 anyos, Annah Farinah Pangarungan- 14 anyos, Jezrel Parcon- 14 anyos, Zebedee Pangarungan- 13 anyos, Jethro Parcon- 12 anyos, Ziva Ira Pangarungan- 11 anyos, Arianne Kate Babaylo- 10 anyos, Humprey Pangarungan- 8 anyos kag Rahma Ulrich Pangarungan- 6 anyos.
