KORONADAL CITY- Ginpasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka traysikel driver sa banwa sang Banga, South Cotabato makaligad madakpan sa ginpatigayon nga Drug buy-bust operation sa Prk Doña Imelda, Brgy. Benitez, Banga South Cotabato.
Ginkilala ang naarestar nga suspek kay Ranie Celestial Mariveles, 50 anyos , may asawa , kag isa ka traysikel driver kag residente sang Brgy. Rizal Banga South Cotabato.
Nahibaluan nga gin-arestar ang mga suspek makaligad makig negosyar sa PDEA agent nga ibaligya ang isa ka pakete shabu sa balor nga P900.
Samtang sa nasambit nga operasyon, narekober man sa posisyon sini ang 4 ka pakete nga shabu nga may balor nga P2,500.
Sa subong nakapreso na ini sa PDEA 12 detention facility kag nagapangatubang sa nagakaigo nga kaso.
