KORONADAL CITY– Ginalauman na ang pila sa mga estudyante halin sa Marawi City nga magasulod subong nga adlaw sa probinsya sang South Cotabato sa pagbukas na sang klase.
Nahibaluan nga pila sa mga estudyante ang nagbalhin sa pila ka bahin sang rehiyon 12 partikular na sa South Cotabato sang mag-ibwal ang Marawi Siege.
Kaangot sini ginpahayag ni Paraiso Elementary School Principal Netor Camiring nga indi magapatuman sang hugot nga requirements ang buluthuan sa mga estudyante nga halin sa war torn city.
Samtang subong nga adlaw sa pagbukas sang klase, gin-welcome nila ang mga estudyante.
Dugang pa ni Camiring nga ang pagbaton sa mga estudyante halin sa nasambit nga lugar ang kabahin sang responsibilidad sang DepEd kag kinamatarong sang mga kabataan nga makatuon anuman nga estado sang kabuhi kag ginhalinan sang mga ini.
Ginalauman nga mabatyagan sang mga ini nga luwas sila sa probinsya kag mabuligan nga makarecover sa trauma.
