KORONADAL CITY- Tuman nga kagutom, uhaw kag kakapoy ang gin-agwanta sang 13 ka mga construction workers nga kalakip sa 100 nga nasalbar nga mga sibilyan sa Marawi City kagaina sang aga.
Suno kay Alyas Rudy, halin sila sang iya 13 ka mga kristyano nga kaupdanan sa Iligan City kag nagpadulong lang sa Marawi agud mag ubra bilang mga construction workers apang sila ang na trap sa lugar makaligad ginbalabagan sang ISIS linked terror group nga Maute humalin sang una nga adlaw sang Marawi siege.
Kaupod suno pa nila ang iban pa nga mga residente nga may mga bata nga nagamasakit na bangud wala sang makaon kag kulang sa tubig.
Sang makaangkon sang tion, nangisog ang mga ini nga magdungan sa mga sibilyan nga Muslim-Maranao kag gintabok ang tulay apisar nahibaluan nila nga tuman ka delikado para sa mga kristiyano ang terorista nga grupo nga ginapatay ang indi nila kasubong ang relihiyon.
Dugang pa sini nga nabatyagan pa nila ang pagpangurog sang ila lawas sang maagyan ang ginatawag nila nga mga ISIS kag nagdaralagan ang mga ini nga kasubong nga nagalagas sa ila kabuhi.
Hugot naman ang pagpasalamat nila sa Diyos bangud tanan nga mga kaupdanan sini sa ubra ang na luwas kag wala sang napatay.
Sa subong ginpaidalom na sa profiling ang mga otoridad ang mga sibilyan nga na rescue.
