KORONADAL CITY- Aminado si South Cotabato Governor Daisy Avance Fuentes nga dako ang epekto sa ekonomiya sang Pilipinas labi na sa isla sang Mindanao ang nagapadayon nga Marawi Crisis.
Nahibaluan nga matapos ang deklarasyon sang Martial Law, pila ka lugar sa Mindanao ang nagluya ang turismo bangud sa kahadlok sang mga turista nga magbisita sa Mindanao sa pagpati nga magamo ang lugar.
Kaangot sini, nagapati si Gov. Fuentes nga dapat tapuson ang Marawi Crisis kag wala sang rason nga mag-isol pa apisar nga apektado na ang ekonomiya.
Wala naman sang may mahimo ang gobyerno kundi magbato agud nga indi na maglala pa kag maglapta ang kagamo sa iban nga mga kaiping nga lugar sang Marawi.
Mas maayo suno pa nga suportahan na lang ang gobyerno bangud sa oras nga maubos na ang mga terorista magadamo man ang turista.
