KORONADAL CITY- Gina-imbestigaran na sang South Cotabato Provincial Government ang nabaton nga report nga may 2 ka empleyado sang lokal nga gobyerno ang nagapakig-angot sa rebelde nga grupo sa probinsya.
Suno kay South Cotabato Governor Dasy Avance Fuentes, ang wala ginhingadlan nga mga empleyado ang naga ubra sa DSWD 12 kun sa diin nasiplatan ang mga ini nga nagapanghatag suno pa sang bulig sa kalaban sang gobyerno.
Kaangot sini, ginpa-imbestigaran na nila ang nasambit nga mga empleyado ilabi na nga yara sa Martial law ang Mindanao kag posible nga makaapekto ini sa hugot nga seguridad sa bug-os nga probinsya sang South Cotabato.
Dugang pa sini nga ginahibalo man nila kun ano nga grupo ang ginabuligan sang nasambit nga empleyado.
Nahibaluan nga mas ginpahugtan pa sang South Cotabato PNP ang seguridad sa bug-os nga probinsya kasunod sang deklarasyon ni Pres. Duterte sang Martial Law.
