KORONADAL CITY- Pagpangabudlay, tuman nga kagutom kag kahadlok nga anuman nga oras sila ang mapatay, ini ang nagtulod sa 11 ka myembro sang New People’s Army nga magsungka sa militar sa banwa sang Sen. Ninoy Aquino, Sultan Kudarat.
Sa ekslusibo nga interbyu sang Bombo Radyo Koronadal sa 3 ka lider sang NPA nga sanday Kumander Ayub, Kumander Lubob kag Nonoy ginsaysay sang mga ini ang ila eksperyensya sa pila ka tuig nga pakig engkwentro sa kabukiran.
Nahibaluan nga si Kumander Ayuba ang taga himo sang bomba kag nagapamuno sa isa ka platoon nga kinakabug-usan sang 50 ka myembro sang NPA samtang si Nonor naman ang organizer sang mga pagsinapol sang NPA sa kabukiran kag nagpanguna sa mga hublag protesta samtang si Kumander Lubob ang taga monitor sa ila.
Suno sa 3 ka lider sang NPA nakadesisyon sila nga magsungka na bangud wala natuman ang mga ginpromisa sa ila nga pagsanyog sang ila kabuhi kag indi man nila ma-agwanta nga makit-an nga gutom ang ila pamilya kag ila nahuna-hunaan nga mali ang prinisipyo nga ila ginapakigbato.
Bangud sini nagmag-an ang ila pamatyagan makaligad ginpili nga magbalik sa gobyerno kag mangabuhi sang normal indi kasubong sang dati nga sila ang yara sa wanted list sang militar.
Dugang pa sang mga ini nga nakapoy na sila nga magpanago sa mga kabukiran para sa ila kabuhi kag nasakita man nga makit-an nga naga antos ang ila mga kabataan kag ginaulamid pa ang mga inosente nga lumad sa pakig-engkwentro kun sa diin ginasakripisyo ang kabuhi para lang sa mali nga panindugan.
