KORONADAL CITY– Ginpangunahan ni former DENR sec. Gina Lopez ang hublag protesta sang mga pumuluyo sa South Cotabato bilang panawagan sa pagpugong sa plano nga pagbukas sang coal mining sa Brgy. Ned Lake Sebu, South Cotabato kag ang ginakabalak-an nga open pit mining sa Tampakan, South Cotabato.
Sa eklusibo nga interbyu sang Bombo Radyo Koronadal kay Lopez, dapat makabugtaw ang mga yara sa likod sang coal kag open pit mining sa negatibo nga epekto sini sa kagulangan kun diin ang mga ordinaryo nga mga pumulyo ang pinakaapektado.
Ginbuweltahan pa sini ang depensa sang mga mining companies nga mabuhi ang ekonomiya paagi sa pagmina kun diin ginakaluluoy lamang ang mga pigado kag amat-amat nga ginaguba ang kinaiyahan.
Gintawag pa sini nga “nightmare” ang plano nga Open pit mining sang Saguitarrius Mines Inc. (SMI) sa Tampakan kag dako nga tinunto ang coal mining sa Lake, Sebu.
Samtang, kaangot sini apisar indi na siya tiglikom sang DENR, nagpromisa si Lopez nga buligan niya nga makabangon ang Lake Sebu sa kapigaduhon kag indi paagi sa pagmina.
