KORONADAL CITY – Natalana nga ipresentar sang 33rd IB Philippine Army ang 11 ka mga myembro sang New Peoples Army (NPA) nga nagsungka gikan sa banwa sang Senator Ninoy Aquino, Sultan Kudarat.
Ini ang ginkumpirmar ni Lt. Col Harold Cabunoc, batallion commander sang 33rd IB, Philippine Army sa interbyu sang Bombo Radyo Koronadal.
Suno kay Cabunoc, igaatubang nila kay Sultan Kudarat Governor Pax Mangudadatu ang nasambit nga mga rebelde kadungan sang mga ginsungka nila nga mga high powered fire arms.
Dugang pa sang opisyal, ang mga nagsungka nga rebelde ang katapu sang Cherry Mobile company sa idalom sang pagapamuno ni Ka- George.
Nahibaluan nga matapos ang pagsungka sang mga armado, may mga grupo suno pa sang mga lumad nga ginhostage sa nasambit nga lugar bangud sa naakig ang pamunuan sang NPA sa pagsungka sang ila mga kaupdanan.
Apang, ang nasambit nga report ang ginahibalo pa kag ginaberipikar tubtob sa subong.
Nagalaum naman si Cabunoc nga masundan pa ang pagsungka sang mga rebelde nga luyag makapangabuhi sang luwas kag nagasunod sa gobyerno.
