KORONADAL CITY- Preparado na ang 2 ka bata nga Koronadaleños nga myembro sang little Azkals sa ila nga paghampang sang football sa pungsod China kag Thailand subong nga bulan sang Mayo tubtob Hunyo 2017.
Ginkilala ang mga myembro sang little Azkals nga sanday Paulo Pingoy kag Erik Cachuela nga ginapabugal sang siyudad sangKoronadal kag sang bug-os nga probinsya sang South Cotabato bangud sa ginaangkon nga abilidad sa nasambit nga hinampang.
Ginalauman nga mapabilib sang duha paagi sa ginaangkon nga abilidad sa patag sang football ang mga manuglantaw labi na kag nakahampang na sila sa National kag International competition.
Nahibaluan nga sila man ang pila sa mga nagpakita sang abilidad sa Palarong Pambansa kun diin panibag-o hampang sa guwa sang Pilipinas naman ang ila nga padulungan bilang under 14 Philippine Football Federation Members.
