KORONADAL CITY – Yara sa kritikal nga kondisyon sa subong ang isa ka lalaki nga biktima sang pagpanglabo sang kaugalingon sini nga utod sa banwa sang Banga, South Cotabato.
Ginkilala ang biktima kay Remy Diabal, 20 anyos, mangunguma kag residente sang Brgy. Lam-apos Banga, South Cotabato samtang ang suspek amo ang magulang sini nga si Naning Diabal, mangunguma, 40 anyos kag residente man sang nasambit nga lugar.
Sa interbyu sang Bombo Radyo Koronadal kay alyas Armando isa sa mga nakasaksi, nag-ugat ang inaway sang may pagbinaisay sa tunga nanday Remy kag misis sini kun diin nasakit sini ang iya asawa kag mga bata.
Gilayon naman nga nagpatunga si Naning sa mag-asawa apang naakig si Remy tubtob sa nag-init ang sitwasyon kag ang mag-utod aman ang nag-inaway.
Bangud sa tensyon wala makontrol ni Naning ang kaugalingon kag ginlabo ang utod bangud sa sobranga kaakig, nagbalos man ang utod sini nga nagresulta sa pagkapilas sang isa sa ika.
Matapos ang pagpanglabo, gilayon nga nagpalagyo ang suspek samtang gindala naman sa hospitala ng pilason nga biktima.
