KORONADAL CITY – Apektado sa gihapon sang kalamidad ang masobra isa kalibo nga mga residente sa banwa sang Tupi, South Cotabato makaligad nga maguba ang box culvert sa ila nga lugar tuga sang pagbubo sang mabaskog nga ulan sa probinsiya.
Ini makaligad nga mabudlay sa subong ang transportasyon sang mga residente sa Sitio Acfaon, Barangay Bunao sa nasambit nga banwa bangud sa tuman nga baha nga nag-igo sa ila.
Suno kay Barangay Kagawad Arsad Landasan ang nawasak nga box culvert ang nagaserbe nga alagyan sang mga residente rason nga mabudlay nga makaguwa-sulod sila sa ila barangay.
Nahibaluan nga bangud sa kalamidad apektado ang paguwa sang mga produkto sang mga residente bangud man sa guba nga dalan.
Ang nasambit nga box culvert ang kasamtangan nga gina-construct apang naigo sang baha tuga sang mabaskog nga ulan.
Kaangot sini, nag-apela ang mga residente sa lugar nga himuan gilayon sang paagi ang ila problema agud indi maapektuhan ang ila nga pangabuhian.
