KORONADAL CITY- Mainit nga ginahisgutan sa probinsya sang South Cotabato ang plano nga pagpatukod kag pagbukas sang coal mining project partikular na sa Brgy. Ned, Lake Sebu.
Sa interbyu sang Bombo Radyo Koronadal kay South Cotabato 2nd district board member Romulo Solivio Vice chairman sang Committee on Environment sang Sangguniang Panlalawigan, yara na sa 10 ka petisyon ang ila nabaton nga hugot nga nagapamalabag sa pagpatukod sang coal mining site.
Suno kay BM Solivio, kun madayon suno pa ang nasambit nga proyekto, dako ini nga pamahog sa ikaayong lawas sang mga pumuluyo kun sa diin kadamuan nga naga-istar sa palibot amuh ang mga katutubo.
Indi suno pa dapat magparehas sa minings ite sa Tampakan South Cotabato ang sitwasyon sa Lake Sebu kun sa diin madamo na suno pa sang negatibo nga epekto nga gina eksperyensya.
Nahibaluan nga nagpatigayon na sang 2nd Committee hearing ang komitiba kaupod ang 3 ka contractor sang coal mining site nga amuh ang DAGUMA agro minerals inc, Sultan Energy Philippines inc kag Bonanza Energy Resources.
