KORONADAL CITY – Nagapadayon sa subong ang imbestigasyon sang mga otoridad sa natabo nga panibag-o nga engkwentro sa tunga sang duha kag magkaaway nga pamilya sa banwa sang Midsayap, North Cotabato.
Ini ang ginpahayag ni Police Supt. Bernard Tayong, hepe sang Midsayap PNP.
Suno kay Tayong, nag-engkwentro ang pamilya Sugod kag Madidis nga madugay na nga may landconflict sa Barangay Mudseng sa nasambit nga banwa nga nagresulta sa pagkapatay sang 2 katawo.
Ginkilala ang mga napatay nga sanday Brando Sagandal, barangay tanod kag isa ka Kasan Madidis, nga lunsay mga residente sang nasambot nga lugar.
Nahibaluan nga nagdugay sa sulod sang halos 15 minutos ang kambyuhanay sang lupok sang duha ka bahin nga nauntat lamang sang nag-abot ang mag pulis kag militar sa lugar.
Sa subong, naghingyo na sang bulig ang mga residente nga magpatunga ang provincial government agud mauntat na ang away sa duta sang duha ka pamilya.
Nahibaluan nga ang nasambit nga mga pamilya ang lunsay katapu sang Moro Front sa Central Mindanao.
