KORONADAL CITY – Yara na sa kustodiya sang Tupi Municipal Police Station ang isa suno pa ka extortionist makaligad nga madakpan sa entrapment operation sang kapulisan.
Ini ang ginkumpirmar ni PSSUPT. Franklin Alvero, provincial director sang South Cotabato, sa interbyu sang Bombo Radyo Koronadal.
Apang, nagpamalibad anay si Alvero nga ipalayag ang pangalan sang suspek bangud nagapadayon ang interogasyon sa iya kag agud nga indi maalarma ang iya nga mga kaupdanan.
Suno kay Alvero, suspek man ang nasambit nga extortionist sa pagpangholdap sa isa ka gasoline station sa banwa sang Tupi, South Cotabato.
Nahibaluan nga nakig-angot ang Tupi PNP sa Maitom PNP sa Sarangganni province agud nga madakpan ang suspek sa isa ka entrapment operation kun diin nagbaton ini sang kwarta gikan sa isa ka nagpakilala nga negosyante.
Ginapatihan nga involbado sa isa ka dako nga grupo ang suspek bangud sa mga ginpahayag sini nga impormasyon sa mga otoridad nga siya ang target sang follow up operation sang mga ini.
Una rito, malaki naman ang pasasalamat ng gobernador ng probinsiya dahil sa pagkakahuli sa nabanggit na suspek.
