KORONADAL CITY – Mangin malipayon samtang nagakabuhi pa kag dapat nga i-enjoy ang mga adlaw kaupod ang pamilya kag indi pagkalimtan nga magpasalamat sa Diyos.
Ini ang ginpahayag sang isa ka breast cancer survivor nga si G. Naneth De Jesus, asawa ni South Cotabato Vice Governor Vic De Jesus sa interbyu sang Bombo Radyo Koronadal sa special program sang Bombo Radyo Koronadal kadungan sang selebrasyon sang Mothers Day kahapon.
Suno kay G. De Jesus, nabaton niya ang pag-angkon sang cancer kag ginakabig niya ini nga dako nga pagpanghangkat sa iya nga pagkatawo labi na bilang isa ka iloy.
Ginpahayag sini nga madamo ang nagakatingala sa iya bangud daw kasubong nga wala suno pa siya sang balatian indi kasubong sang iban nga mga cancer patients.
Ang sekreto lamang amo nga likawan niya nga ma-stress kag indi pabay-an ang kaugalingon.
Sa pagkamatuod, isa siya sa mga cancer advocate nga nagabulig sa mga cancer victims nga mabaton ang balatian sini kag buligan ang iya kaugalingon nga makasurvive.
Nahibaluan nga magluwas sa pagka-iloy sini sa ila nga mga bata, nagahatag man sang oras si Ginang De Jesus sa mga cancer patients agud nga maistorya ang mga ini kag mahatagan sang laygay sa ila nga mga ginaagyan nga pagtilaw.
