KORONADAL CITY- Nagresulta sa pinatyanay ang nagluntad nga indi paghangpanay sa sugal sa isa ka haya sa Prk. Mabini Brgy. Lapuz Norala, South Cotabato.
Suno kay Police Chief Inspector Conrado Jovero hepe sang Norala PNP, ginkilala ang suspek kay Lybert Borbano Castor, 24 anyos, single , wala sang trabaho kag residente sang nasambit nga lugar samtang ang mga biktima ang ginkilala kanday Ramil Abrero Elosendo, 30 anyos, single, laborer kag residente sang Brgy.
Panay, Sto. Niño South Cotabato samtang pilason naman ang 17 anyos nga si Ronald Semillano nga residente sang Poblacion, Norala South Cotabato.
Nahibaluan nga nagluntad ang insidente takna alas 10 sang gab-i sa namatyan kun sa diin nakaangkon sang pagbinaisay ang grupo sang suspek kag ang mga biktima bangud sa sugal kag gilayon nga nag-ginamo.
Gilayon nga ginkumpronta sang isa ka Amber Gumabong ang suspek nga himata sang napatay kun sa diin nagresulta sa tuman nga pagka-akig sini kun sa diin gilayon ini nagpauli sa ila puluy-an kag nagkwa sang kutsilyo kag pagabalikan kun tani si Gumabong.
Ginbalabagan suno pa ni Elosendo kag Semillano ang suspek kun sa diin wala sila nakahibalo nga may yara gali ini dala nga kutsilyo kag gilayon sila nga ginpangbuno.
Nalagyo pa ang suspek apang gilayon ini nga nagsungka sa isa ka brgy. kagawad kag naturn-over sa Norala PNP.
