KORONADAL CITY – Pabor suno pa si South Cotabato Governor Daisy Avance Fuentes sa pag-appoint ni Pres. Rodrigo Duterte kay AFP Chief of staff General Eduardo Año bilang bag-o nga DILG secretary nga amo ang magatal-os kay anay DILG secretary Ismael Mike Sueno.
Sa interbyu sang Bombo Radyo Koronadal kay Governor Fuentes, ginpahayag sini nga wala sang pagpangduha-duha sa mangin liderato ni Gen. Año sa DILG bangud isa ini ka maayo nga heneral labi na nga familiar naman sa iya ang mga lugar sa Mindanao.
Gin-insister pa sang gobernadora nga ang asod-asod nga pag-appoint ni Pres. Duterte sa mga military general ang agud nga iduso ang luyag sini nga pagbag-o sang sistema sang gobyerno bangud nakasentro subong ang iya nga administrasyon sa disiplina kag Peace and Order.
Samtang, pabor naman ang mga South Cotabatenos sa bag-o nga DILG Secretary nga amo ang igatal-os kay Sueno.
Madumduman nga nasubuan ang mga taga-South Cotabato sang ginkakas sa pwesto si anay DILG Sec. Mike Sueno.
