KORONADAL CITY- Nagpangayo sang paghangop kag pasaylo si South Cotabato Chief of Hospital Dr. Conrado Braña angot sa wala pagpasulod sang isa ka myembro sang Provincial Security Unit (PSU) sa reporter sang Bombo Radyo Koronadal nga si Bombo Dante Maquiling sa second floor sang Provincial Hospital.
Sa interbyu sang Bombo Radyo Koronadal sa Chief of Hospital Dr. Conrado Braña, may yara sang ginapatuman kag naga eksister nga polisa ang nasambit nga ospital.
Nahibaluan nga madamo suno pa sang mga katapo sang media ang nagareklamo kun nga-a indi mahimo magsulod sa second floor sang Provincial Hospital kun sa diin ginhatagan punto nga may yara sang polisa nga ginapatuman.
Apang,kun may yara sang mga palamangkutanon mahimo man nga magpamangkot sa mga nurse apang kun mga sensitibo nga mga impormasyon nagakadapat na nga makig-angot suno pa sa pamunuan sang South Cotabato Provincial Hospital.
Kaangot sini aminado si South Cotabato Chief of Hospital Dr. Conrado Braña nga madamo sang mga nagkalaguba nga pasilidad kasubong sang beddings sa sulod sang South Cotabato Provincial Hospital bangud sa tuman ka damo nga pasyente ang ginadangat dire.
Ini ang ginhatagan punto ni Dr. Braña kun sa diin dugang pa sini nga madamu sang mga guba nga katre sa ospital rason nga ginakulang ang kagamitan para sa mga pasyente.
Gindugang pa sini nga may yara na sang ginpa-in nga pondo para sa mga kagamitan sa ospital ilabi na sa pagbukas sang bag-o nga edifisyo nga kasamtangan nga ginakay-o pa sa subong.
Nahibaloan nga ang kapasidad nga maakomodar sang Provincial hospital ang yara lamang sa 200 apang ang mga pasyente nga naka admiter ang nagsobra na sa 200.
