KORONADAL CITY – Dako ang pagpati sang mga opisyal sang militar nga ang ginhimo nga pagpamomba sang mga katapu sang Bangsamoro Islamic Freedom Figthers (BIFF) bilang pagtimalos sa madamo nga mga kaupdanan nila nga napatay bangud sa ginapatuman nga military focused peration kag airstrike sa mga ginakutaan sang mga ini.
Ini makaligad nga yara sa apat ka mga pulis kahapon ang nareport nga pilason makaligad nga maluakpan sang gintanum nga improvised explosive device ukon IED sa bisinidad sang Rajah Buayan-Shariff Aguak road nga yara sa Sitio Paso, Brgy. Manongkaling sa banwa sang Mamasapano, Maguindanao.
Suno kay Police Inspector Razul Pandulo, spokesperson sang Maguindanao PNP sakay ang mga ini sa patrol car padulong sa bahin sang
Provincial Police Office sang ginpalukpan sang mga BIFF ang detonated roadside bomb.
Sandig sa report ang nasambit nga eksplosibo ang hinimo sa ordnance projectile nga may magagmay nga road bar cut kag baterry nga ginhimo nila nga blasting cap.
Sa subong, nagapaayo na sa hospital ang mga pilason nga sanday SPO2 Mohammad K Ampatuan, PO3 Ali Ibrahim Malok, PO3 Harim G Ampatuan kag PO1 Norudin E Olympain nga mga katapu sang Rajah Buayan Municipal Police Station.
Samtang, ginpahugtan pa ang seguridad nga ginapatuman sa lugar kag padayon ang paglagas sa mga nabilin pa nga mga katapu sang BIFF.
