59 anyos, mahimo na makaangkon sang pensiyon para sa mga senior citizen

KORONADAL CITY- Mahimo na nga magparehistro bilang senior citizen ang tanan nga pumuluyo sang siyudad sang Koronadal nga naga pang-edaron sa 59.

Ini ang ginpahayag ni Koronadal City Social Welfare Development ukon CSWD Focal person for Senior citizen Lorna Rama.

Ginpahayag ni Rama nga ang nagapang edaron sang 59 anyos ang sarang na nga makaparehistro agud nga maka avail sang nagakaigo nga benepisyo.

Ginarequire para maka avail sang benepisyo amuh ang ila sini nga Birth certificate.

Mahimu naman nga makaangkon sang social pension kun wala sang trabaho kag wala sang may ginabaton nga pension sa iban nga ahensya kasubong sang SSS, Pag-ibig kag iban pa.

Ang luyag nga mag avail sang nasambit nga pension ang magpadulong lang sa talatapan sang CSWD.