Pag-ulan sang ice sa banwa sang Surallah, South Cotabato, ginkakibot sang mga residente

KORONADAL CITY- Ginkakibot sang mga residente sa banwa sang Surallah South Cotabato ang pag-ulan sang ice sa ila nga lugar.

Ini ang ginkumpirmar ni Surallah MDRRM officer June Cayho sa interbyu sang Bombo Radyo.

Suno kay Caylo, isa suno pa ka “bizarre phenomenon” ang natabo kun diin kasubong kadako sang pinasi sang mais ang ice.

Dugang pa ni Cayho nga sa subong lamang nila ini naeksperiensiyahan nga hitabo.

Samtang, isa sa mga paathag sini nga posible nga sinyales ini sang palaabuton nga El Niño kag bangud man sa abnormal kag pabag-o-bag-o nga panahon.