KORONADAL CITY- Nakatalana na nga pasakaan sang kaso nga paglapas sa RA 9165 ang isa ka construction worker sa syudad sang Koronadal makaligad nga matikma sa ginpatigayon nga drug operation sang gin-isa nga pwersa sang Provincial Drug Enforcement Unit at Koronadal City PNP.
Ginkilala ang suspek kay Raul Lozada Sorongon Jr. 41 anyos may asawa kag residente sang Brgy. Zone 1 syudad sang Koronadal kag isa ka construction worker.
Natikma ang suspek sa Rizal Park Brgy. Zone 4 sini nga syudad makaligad makigtransaksyon sa mga otoridad nga nagpakuno-kuno nga magabakal sang ginabaligya sini nga shabu.
Narekober sa posisyon sang suspek ang yara sa masobra 70 gramo sang shabu nga may estimated value nga P500,000, drug paraphernalia kag drug money.
Sa subong yara na ini sa kustodiya sang kapulisan kag ginpaidalom na sa imbestigasyon kun ini bala ang konektado sa mga notorious nga drug group sa probinsya sang South Cotabato
