PDEA 12 ginkilala bilang ranked no. 2 sa Drug Clearing Operation kag Demand Reduction sa bug-os nga Pilipinas

KORONADAL CITY – Ginkilala ang PDEA Region 12 bilang ranked no. 2 sa pagpatigayon sang Drug Clearing Operation kag Demand Reduction sa bug-os nga pungsod sa nagtakop nga National Command Conference ng PDEA.

Sa interbyu sang Bombo Radyo Koronadal kay Kath Abad, tagpamaba sang PDEA 12 nagbunga ang ila pagpanikasog pinaagi sa aktibo nga pagpakigbato sa iligal nga droga kag wala untat nga operasyon batuk sa mga durugista.

Kun madumduman yara sa masobra 1000 ka mga kabarangayan ang nakadelarar na bilang drug cleared barangay sa bug-os nga rehiyon.

Ginkalipay naman ni PDEA Regional Direcor Atty. Gil Castro ang nasambit ng pasidungog kun sa diin ginpasiguro sini nga mas aktibo pa nga kampanya ang ila ipatigayon batuk sa iligal nga droga.