KORONADAL CITY- Arestado ang 2 ka myembro sang notoryus nga drug group sa ginpatigayon nga drug buy-bust operation sang Philippine Drug Enforcement Agency(PDEA) Region 12 sa Prk. Artesian, Brgy. San Roqu sa syudad sang Koronadal.
Target sang nasambit nga operasyon ang high value target nga si Seth Mark Villegs alyas Weng, 33 anyos single kag residente sang Brgy. Paraiso syudad sang Koronadal kag palangabuhian amuh ang pagduso sang iligal nga droga sa syudad kag sa kalapit nga mga kabanwahanan.
Sa ekslusbo nga interbyu sang Bombo Radyo Koronadal kay Kath Abad, tagpamaba sang PDEA 12, naarestar si Villegas makaligad makigtransaksyon sa PDEA Agent nga nagpakuno-kuno nga magabakal sang ginabaligya sini nga iligal nga droga, arestado man ang kaupod sini nga si Jay Dela Cruz Paraico, 20 anyos, single traysikel driver kag residente sang Brgy. Zone 3 syudad sang Koronadal.
Nakuha sa posisyon sang mga suspek ang 3 ka dako nga pakete kag 2 ka gamay nga pakete sang shabu nga may kabug-aton nga 15 gramo kag may estimated value nga P105,000, narekober man ang isa ka pakete sang dried marijuana leaves nga may kabug-aton nga 5 gramo kag mga drug paraphernalias.
Sa subong nagapangatubang sa mga kaso nga Sale of Dangerous Drugs,Possession of Dangerous Drugs, Possession of Drug Paraphernalia kag paglapas sa Republic Act 9165 ukon Comprehensive Dangerous Drugs Act of 2002 ang mga suspek.
Samtang yara na sa kustodiya sang PDEA 12 ang mga naarestar nga suspek.
