Pag-adoptar sang mining law sang Canada kag Australia ginaduso nga ipatuman sa Rehiyon 12

KORONADAL CITY- Ginaduso sa pungsod Rehiyon 12 ang pag-adoptar kag pag imposar sang mining law sang pungsod Canada kag Australia.

Ginhatagan punto ni DENR-MGB 12 Regional Director Constancio Paye nga napilian ang mining standard sang Canada kag Australia bangud ini ang isa sa mga ginakabig nga “Best Mining Law” sa bug-os nga kalibutan.

Ang nasambit nga regulasyon kag layi ang angot sa Progressive mining rehabilitation kun sa diin sa idalom sang regulasyon kag layi, responsibilidad sang mga kumbuyuhan sang minahan ang pag rehabilitate sang ila ginminahan.

Samtang sa pihak nga bahin, magatukod sang komitiba para sa nasambit nga programa kun sa diin pagabug-usan ini sang MGB, DENR, EMB, LGU’s kag mga NGO’s.