KORONADAL CITY- Nagapangayo sang bulig ang himata sang isa ka Overseas Filipino Worker nga naga-ubra sa Saudi Arabia agud mabalik sa Pilipinas ang bangkay sini makaligad suno pa nga maghikog.
Sa impo
rmasyon nga ginpalab-ot sang himata sang OFW, ginkilala ini kay Daisy Gamboa nga taga Calumpit Bulacan kag naga ubra bilang isa ka Domestic Helper sa Abha, Saudi Arabia kun sa diin nagpadulong ini sa abroad sang Pebrero 24, 2015.
Dugang pa sang pamilya sini, nasapwan na lang suno pa ini nga wala na sang kabuhi kun sa diin nakuha sa ginluntaran sang insidente ang higot nga gin-usar sini sa paghikog.
Samtang nagaduga naman ang pamilya sang biktima ilabi na nga wala sang klaro nga eksplinasyon ang ahensya sini nga Anchor Incorporation Man power Services nga nakabase sa Metro Manila.
Nagalaum naman ini nga pinaagi sa Bombo Radyo mabalik ang bangkay sang ila himata.
